എന്നോ മരിച്ചുപോയ മനസിനെയും പേറി ശരീരം ജനറലാസ്പത്രിയുടെ ടിക്കറ്റ് കൗണ്ടറിനു മുന്നിൽ ക്യു നിന്നു.
കഥയില്ല.... കവിതയില്ല......കണ്ണീരില്ല....
നിർജീവമായ മനസിനെയും പേറിയുള്ള ഈ യാത്ര ശരീരത്തെ വല്ലാതെ തളർത്തി ക്കളഞ്ഞു.
അവസാന ശ്രമമെന്നമട്ടിൽ മരുന്ന് തേടി ക്യൂ നിന്ന ശരീരവും കുഴഞ്ഞു വീണു....
ആരൊക്കെയോ താങ്ങി ബെഡ്ഡിൽ കിടത്തുന്നു....
നാഡിമിടിപ്പിന്റെ ഊക്കിൽ ഗ്ലുക്കോസും മരുന്നും ...
പക്ഷേ ........
പുറത്ത് പുഷ്പാലംകൃത വാഹനങ്ങളുടെ നീണ്ട നിര പ്രത്യക്ഷമായി തുടങ്ങി....
എന്നോ ഉപേക്ഷിച്ചു പോയവരുടെ നീണ്ട നിര.....
രാജകീയ യാത്രയയപ്പ്.....
ഈ ഭൂമിയിൽ .....ഈ ശരീരവും മനസും
കെട്ടിപ്പടുത്തതിനൊക്കെ അവകാശികൾ !!!!!!!
ഒരിക്കൽ പോലും ഒരിറ്റു കരുണ കാട്ടാത്തവർ !!!!
തെക്ക് ഭാഗത്തുയർന്ന മണ്‍കൂനക്കു മുകളിൽ നിറഞ്ഞ പുഷ്പഹാരങ്ങൾ വല്ലാതെ വീർപ്പു മുട്ടിക്കുന്നു...
മരിച്ച മനസും കത്തി ചാമ്പലായ ശരീരവും ഇപ്പോഴും കാത്തിരിക്കുന്നു..
ആ പുഷ്പഹാരങ്ങൾ വലിച്ചെറിഞ്ഞ് തന്നെ സ്നേഹിച്ച ആ മനസ്സിൽ നിന്നും ഒരിറ്റു കണ്ണീരും....
നിന്റെ മുറ്റത്ത് നീ നട്ടു നനച്ചു പോറ്റിയ റോസാചെടിയിൽ നിന്നും ഒരു കുടന്ന പൂക്കൾക്കും വേണ്ടി...
പിന്നീടേ ഈ ദേഹിക്ക് വിട വാങ്ങലുള്ളൂ.........
