അങ്കുശമില്ലാത്ത ചാപല്യമേ.......
 നിന്നെ  അംഗനയെന്നു വിളിക്കട്ടെ ഞാൻ .
കാവ്യ ഭംഗിയുടെ  അവാച്യതയിൽ
അവളും കോരിത്തരിച്ചിരിക്കും.
നട്ടെല്ല് പടിവാതിലിൽ ചാരിവെച്ച്.......
 കതകു തുറന്നെത്തുന്ന.....
 ആണത്ത വങ്കത്തം.
എവിടെയാണവൾക്ക് കനക സിംഹാസനം.......
ഏതു പടവാളാണവൾക്ക് ആയുധം?
 ഭർത്താവിന് സ്വന്തം ഭാരമിറക്കിവെക്കാൻ .......
കാമുകന് കാമ നിവാരണത്തിന്........
മക്കൾക്കും ബന്ധുക്കൾക്കുമുണ്ട് 
അവളിൽ സാധിച്ചെടുക്കാനേറെ.......
കരിപുരണ്ട ചുവരുകൾ മാഞ്ഞു
 കണ്‍ ചുവക്കും പുകമണവും മാഞ്ഞു.....
 സ്ഫടിക സമാന സാഹചര്യത്തിലും.......
 കണ്ണഞ്ചും  പളപളപ്പിലും.......
 ഇന്നും അവൾ........ അവൾ തന്നെ.
ചവിട്ടി മെതിക്കപെടുന്ന സ്ത്രീത്വം.
സീതയും.....അഹല്യയും...... ദ്രൗപദിയും
 ആടിത്തിമിർക്കുന്നിവിടെ .......ഇപ്പോഴും 
എത്ര മാറിയാലും............... മാറാത്തതായി.......
 അവളുടെ മനസും........ അവൾക്ക് ചാർത്തിക്കൊടുത്ത സ്ഥാനവും.
........ചാപല്യമേ......... നിന്നെ 
അംഗനയെന്നു വിളിക്കട്ടെ ഞാൻ 
ഹാ...കഷ്ടം.....
 നിന്നെ നീ തന്നെ നഷ്ടപെടുത്തുന്നു!!!!!!!

കനക സ്വപ്‌നങ്ങൾ നെഞ്ചിലേറ്റി
 കർക്കിടക പുലരി വന്നണഞ്ഞു
 ആത്മീയതയുടെ ആനന്ദനിർവൃതിയിൽ
 ആർപ്പുവിളികളുതിർത്തു നിന്നു.
ഇനിയുണ്ട് രാമനാമത്തിൻ നാളുകൾ 
ലക്ഷ്മിയെ കുടിയിരുത്തും ശുഭ നാളുകൾ.... 
മന്ത്രാക്ഷരങ്ങളുതിർക്കും നാവിൽ
 പഞ്ചാക്ഷരിയുടെ ഈരടികൾ 
ആർത്തിരമ്പും മഴയുടെ അനന്തതയിൽ 
അകലട്ടെ മനസിലെ അന്ധകാരം 
ഒഴുക്കിടട്ടെ മനസിൻ ആസുര ഭാവം 
വിടരട്ടെ ചിങ്ങ പുലരിയായി.... 

ഈ പ്രിന്റെഡ്‌  കോപ്പിക്ക് പറയാൻ ഏറെയുണ്ടാകും.....
STD ,ISD ,LOCAL CALLS 
ഐശ്വര്യ പൂർണമായ ആ നല്ല നാളുകളെ ക്കുറിച്ച് ....
രാത്രിയിൽപോലും STDയും  ,ISDയും വിളിക്കാൻ ക്യു നിന്നവരുടെ കഥ ...
ഫോണുകൾ തിരിച്ചു പിടിച്ചു സംസാരിച്ചവരുടെ കഥ ...
സെകന്റിൽ 1.31 രൂപ വെച്ച് ചാർജ് കൂടിയ കഥ ...
ബൂത്തിന്റെ കാബിനുള്ളിൽ വിടരുകയും പൊഴിയുകയും ചെയ്ത 
പ്രണയ കഥകൾ .
അക്കരെയുള്ള പ്രിയതമന്റെ ഒച്ചക്കു കാതോർത് 
മിസ്സടിച് കാത്തിരിക്കുന്ന 
മണവാട്ടി മാരുടെ കഥ....
പത്തും ഇരുപതും ഇരുപത്തഞ്ചും അൻപതും പൈസകളുടെ 
മണിക്കിലുക്കങ്ങളുടെ കഥ........

ദേവൂനുമുണ്ട് പറയാൻ......... 
പത്തൊൻപതു വർഷം മുൻപ് ആദ്യമായി തുടങ്ങിയ 
സ്വയം തൊഴിലിനെ കുറിച്ച്..... 
ഐശ്വര്യം കൊണ്ടുവന്ന ആ നല്ല നാളിനെ ക്കുറിച്ച് ...
മൊബൈൽ ഫോണിന്റെ വരവോടെ 
പഴംകഥയായി  മാറിയ ബൂത്തിന്റെ 
നിസ്സഹായതയെ കുറിച്ച് ..
ഇൻസ്ടിട്യുട്ടും മറ്റുമായി വികസിച്ച ബിസിനസ്സിൽ 
മാറ്റി നിർത്തേണ്ടിവന്ന ആദ്യ സംരംഭത്തെക്കുറിച്ച്....
വേദനിക്കുന്നോരോർമ്മയായി 
ഈ പ്രിന്റെഡ്‌ കോപ്പികളും ഫോണുകളും 
ഇപ്പോഴും ....മറന്നു കളയാതെ ....
എത്ര ഉയരത്തിലെത്തിയാലും......    

വിശപ്പും ദാഹവും സഹിക്കാം....
വിധിയുടെ ക്രൂരത പൊറുക്കാം ..... 
വിരഹ ദുഃഖം വിലയം പ്രാപിച്ച....... 
വിപഞ്ചികയെത്തൊട്ടുണർത്താം .

വിലപിച്ചു വിലപിച്ചു തീർക്കാൻ ......
വിധിയുടെ ക്രൂര വിനോദം ....
വിടരും മുൻപേ പൊഴിയാൻ ........
വിതറിയ വിത്തുകൾ മണ്ണിൽ . 

കണ്ണീരു നൽകി കാതരയായി.....
നെഞ്ചിലെ നൊമ്പര പൂക്കളുമായ് ...
ഏകാന്ത തീരത്തിന്നേകാകിനിയായി....
ജീവിത നൗക തുഴയാം.....
യഥാർത്യമെത്രയോ ദൂരെ ....
അത് യാഥാസ്ഥിതികന്റെ കൂടെ. 

വിശ്രമ വേളകളിൽ...........
 കമ്പ്യുട്ടറിൽ........ ഫേസ് ബുക്കിനു മുന്നിൽ ഇരുന്ന്  
വിവിധ ഗ്രൂപുകളിൽ പോസ്റ്റിട്ടും കമന്റിട്ടും
സമയം കൊല്ലുന്ന എന്നെ 
മക്കൾ ......
വാട്സൂന്നും.......ഫെയ്സൂന്നും  വിളിക്കുന്നു. 
അവരെ കൊണ്ട് ഞാനൊന്ന് 
അമ്മേ ........ എന്ന് വിളിപ്പിച്ച് 
ഓടിവരാം  

എന്തിനെന്നറിയാതൊരു തേങ്ങൽ 
എൻ ഇടനെഞ്ചിൽ വന്നൊന്നൊട്ടി നിന്നൂ....
ഇടവിട്ടൊഴുകിയകലും നദിയുടെ 
ഇരമ്പലതിലല തല്ലി........
വ്യത്യസ്തനല്ല നീ അവരെപോലെ 
വിധിയുടെ കരിമ്പന ചോട്ടിൽ........ 
തനുവിൽ പടർന്ന ലഹരിയും..... 
മനസിന്റെ മാസ്മരികതയും........ 
അലതല്ലും മോഹവലയം ഭേദിച്ചു 
അകത്തേക്കണഞ്ഞില്ല  നീയും.
വേദനയിൽ ഒന്നു വേദനിക്കാൻ..... 
സുഖത്തിലുമൊന്നായലിഞ്ഞു  ചേരാൻ.... .
ഒന്നിനുമല്ലാതെ എന്തിനുമായെന്റെ 
കൈ പിടിച്ചൊന്നു നടത്താൻ. 
വ്യത്യസ്തമായിരുന്നില്ല നീയും 
നിന്റെയീ സൗഹൃദ ഭാവനയും .... 
എന്തിനെന്നറിയാതൊരു നൊമ്പരം 
എൻ ഇടനെഞ്ചിൽ വന്നുടഞ്ഞു വീണു 
ഇന്നതു .........
കനൽ തൊട്ടഗ്നിശുദ്ധി വരുത്തി.