എല്ലാവരും ഉറങ്ങുമ്പോൾ ഉറങ്ങാതിരുന്ന് ........
ഉറങ്ങുന്നവരുടെ വയരിന്നെരിച്ചിൽ തീർക്കാൻ ....... 
നേരംവെളുക്കുവോളം..... 
ഇന്നത്തെക്കുള്ള അന്നവുമായി....... 
ഒരു കപ്പു കാപ്പി കിട്ടിയില്ലെങ്കിലും 
പരാതിയില്ലാതെ .........
തഴപ്പായയിൽ മനസും കണ്ണും 
ഉറങ്ങിപോയ നിന്നരികിൽ 
തളർന്നുലഞ്ഞ മുടിയിഴകളിലും ...അടഞ്ഞ കണ്ണിലും 
തഴുകി തലോടി ഒരുനേർത്ത സ്നേഹചുംബനം........
അറിഞ്ഞിരുന്നുവോ? 

സൌഹൃദം  

മഴയുടെ നേർത്ത മന്ത്രണം പോൽ 
മാരുതന്റെ മൃദു സ്പർശനം പോൽ  
നൊന്തു നീറുമെന്നുൾത്തടങ്ങളിൽ
വെമ്പി നിൽക്കുമോരുൾപ്പുളകമായ് 
ഉച്ചവെയിൽ കൊണ്ടൊന്നു വാടവേ 
രാവിൻ രോദനം നേർത്തു പോകവേ..... 
ചാരെ വന്നെന്റെ  കണ്ണുനീരൊരു 
കൈ വിരൽ കൊണ്ടെറിഞ്ഞു മാറ്റവേ......... 
പ്രണയഭാവം നോവിൻ   പുതപ്പണിയിച്ചൊരു 
പ്രകട ഭാവം പുറത്തെടുക്കാതെ നീ 
എങ്കിലും ഞാനറിഞ്ഞു നിൻ 
ഉൾത്തുടിപ്പിന്നുടുക്കുതാളം. 
അകന്നിരുന്നെന്നടുത്തിരുന്നു നീ 
അദൃശ്യനായെൻ  മിഴിപൊത്തി നില്ക്കവേ..... 
സ്നേഹലാളനം നേർത്ത ഗാനമായ് 
ചേതനയിൽ ചേർന്നലിഞ്ഞു ചേരവേ....... 
ഒരു മുല്ല മൊട്ടുതിർക്കും സുഗന്ധം 
മനവും തനുവും നിറച്ചു നിൽക്കെ........ 
ദാഹാർത്തയായൊരു  വേഴാമ്പലധരത്തിൽ
പുതുമഴയായതു സ്വീകരിക്കേ........ 
പറയാതെ പലതും പറഞ്ഞും 
കാണാതെ കണ്ണിൽ തിരഞ്ഞും 
ഒരു സൗഹൃദത്തിൻ  തലോടൽ 
കരിനീല മിഴി കൂമ്പി നിന്നു......... 
ഒരു കവിതപോലീ സൌഹൃദം പുണർന്നു 


28.06.2015. 

തനിച്ചെന്നു തോന്നിയാൽ ഒന്നു വിളിക്കുവാൻ
അന്നു പറഞ്ഞിരുന്നു......... 
കാതോർത്തിരുന്നു ഞാനെങ്കിലുമാശ്വാസ-
മിന്നോളമാവിളി  കേട്ടില്ല ഞാൻ.
നീയെങ്കിലും തനിച്ചാവാതിരുന്നല്ലോ...ഈ
ഏകാന്തത നിന്നെ പുൽകാതിരുന്നല്ലോ ...
എന്നെങ്കിലും തനിച്ചായെന്നു തോന്നിയാൽ 
ഒന്നു വിളിക്കുവാൻ വേണ്ടി മാത്രം....
അവസാന ശ്വാസം നിലയ്ക്കും വരേക്കും ... ഈ  
നോവിൻ തുരുത്തിൽ ഞാൻ കാത്തിരിക്കും ......
പിൻ വിളി കേൾക്കാതിരിക്കട്ടെ എന്നാകിലും!!  

എന്നെ കാണാതിരുന്നാൽ നിങ്ങൾ കണ്ണീർ പൊഴിക്കും...............
പ്രാർത്ഥനയോടെ വഴിക്കണ്ണുമായി എന്നെ കാത്തിരിക്കും.............
 ഞാൻ വന്നുചേർന്നാൽ എല്ലാവർക്കും പിന്നെ ഉത്സവമാണ് .......
കുട്ടികൾ എന്നിൽ തിമിർക്കും .......... കർഷകരെന്നെ പുണരും .......
 കവികൾക്കും.........  പ്രകൃതി സ്നേഹികൾക്കും ഞാൻ കവിതയാകും .
ഞാൻ നിങ്ങളെ ഒരുപാടു സ്നേഹിച്ചാൽ..........അരികിൽ ഒരുപാടു ചേർന്നിരുന്നാൽ
പിന്നെയെന്നോട് വെറുപ്പു തോന്നിത്തുടങ്ങും .........
നാശം എന്നു പിറുപിറുക്കും.
അപ്പോൾ കണ്ണീരോടെ ഞാൻ അകന്നു നില്ക്കും
എങ്കിലും ........മനസുനൊന്തു വിളിച്ചാൽ എല്ലാം മറന്നു ഞാൻ ഓടിയെത്തും
വീണ്ടും ഒരുപാടങ്ങ്‌ സ്നേഹിച്ചാൽ പിറു പിറുക്കുമെന്നറിയാമായിരുന്നിട്ടും  

24.06.2015 

മഴ 

കനൽ കൊണ്ടു പൊള്ളിയടർന്നൊരീ...
മണ്ണിന്റെ മൗന നൊമ്പരം ...... 
നെഞ്ചിലിന്നേറ്റി വാങ്ങുവാൻ... അതിൽ 
സ്നേഹ സാന്ത്വനം  ചേർക്കുവാൻ .
 വെള്ളി നൂലിഴ തീർക്കുമീ  ശ്യാമ -
മേഘ ശകലങ്ങളിന്നിതാ........
കുനു കുനെ കുളിർകോരി പ്രണയിനിക്കായ് .....
കാതിൽ...... വന്നു ചേർന്നെന്ന മന്ത്രമോടെ  


   ദേവു /19.6.2015   

                 തന്നെ സ്നേഹം കൊണ്ട് വീർപ്പു മുട്ടിച്ചവരാണ് .....
എന്തെങ്കിലും ഒരു നൊമ്പരമുണ്ടെങ്കിൽ പറയു........ പറയൂ........ ഞങ്ങളുണ്ട്............... എന്നാവർത്തിച്ചവരാണ്.  അവരുടെയാ സ്നേഹത്തിനു മുന്നിൽ അന്നാദ്യമായവൾ  വഴങ്ങി. തന്റെ ഫേസ് ബുക്കിൽ അവൾ എഴുതി.
                 തനിക് മിണ്ടാൻ വയ്യ............  ഒന്നും കേൾക്കാൻ വയ്യ.................  മാത്രമല്ല തന്റെ ഇടതു കാലിനു മുടന്തുമുണ്ട് ............
                 അന്ധാളിച്ച കണ്ണുകളിലേക്കവൾ തുടർന്നെഴുതി .......
                 ഇതുവരെ എന്റെ പ്രൊഫൈൽ ആയി കൊണ്ട് നടന്നത് നർത്തകിയും ഗായികയുമായ എന്റെ അനുജത്തിയെയാണ് . നിങ്ങൾ കണ്ടതും കേട്ടതുമൊക്കെ അവളാണ്. കണ്ണ് മിഴിച്ച ആരാധക സുഹൃത്തുക്കൾക്കിടയിലെക്ക് യാതൊരു കരുണ്യവുമില്ലാതെയവൾ തുറന്നെഴുതി .....
             അവൾ വിവാഹം കഴിച്ച് ഡാൻസ് സ്കൂൾ നടത്തി ചെന്നെയിൽ സുഖം ആയി ജീവിക്കുന്നു.
              കൊച്ചനുജൻ മുതൽ അച്ഛന്റെ പ്രായം വരെയുള്ള സുഹൃത് നിര പതുക്കെ പതുക്കെ പിൻ വാങ്ങുന്നതവൾ വേദനയോടെ കണ്ടു നിന്നു . തന്റെ ഫേസ് ബുക്ക് ഒന്ന് തുറക്കാൻ കാത്തു നിന്നവർ...... ശുഭാശംസ നേരാൻ മത്സരിച്ചവർ ........നേരമേറെ ചെന്നപ്പോൾ വിഷാദവദനയായി ലോഗ് ഔട്ട്‌ ചെയ്യാനൊരുങ്ങവെ .....
                " ഗുഡ് നൈറ്റ് അച്ചൂ..... "
             ഇൻബോക്സിൽ ഒരു മെസ്സേജ് .......
              ഒരു ദിവസവും മുടങ്ങാതെ വരാറുള്ള ഒരാശംസ ......... ഒരിക്കൽ പോലും തിരിചൊരാശംസ  നേർന്നിരുന്നില്ല ......
              നടക്കാൻ പ്രയാസമുള്ള തന്നെ പിടിച്ച് നടത്തിയവനാണ് .  സ്കൂളിൽ തന്റെ മീഡിയെറ്ററാ യിരുന്നവനാണ്.... ജീവിത പ്രാരബ്ധംപേറി മണലാരണ്യത്തിലെവിടെയോ ...........
            അന്വേഷിച്ചിരുന്നില്ലയിതുവരെ ..........
             നിറ കണ്ണുകളോടെ അന്നവൾ തിരിച്ചാശംസിച്ചു.......
                "ഗുഡ് നൈറ്റ്‌ പ്രെശോഭ് ...........സ്വീറ്റ് ഡ്രീംസ്‌ "


                                                                                           ദേവു വയനാട് 16.06.2015.



                                                                  

മാനത്ത് കാർമേഘ കോളുണ്ടെങ്കിലും........... 
 ദാഹം ശമിപ്പിക്കാൻ മഴയെത്തിയില്ല............
 വാടാൻ തുടങ്ങിയോ പൂക്കളും ചെടികളും........
 വാതു വച്ചുറങ്ങും പുൽ വിത്തുകളും.
 അന്നത്തെ മഴയൊന്നും ഇന്നില്ലെന്ന്.........
 അവർ പറയുമ്പോൾ........
 ഈ മഴയെങ്കിലും നാളെയുണ്ടാകാൻ........
 പ്രാർത്ഥിച്ചു കൊണ്ട്........ പ്രയത്നിച്ചു കൊണ്ട്......
 പ്രകൃതിയെ അറിയുന്ന നമ്മെ പോലുള്ളവർ ഉള്ളപ്പോൾ 
ഇടവപ്പാതി മിഥുന പാതിയിലെങ്കിലും...........
വരും.........വരാതിരിക്കില്ല.
പ്രതീക്ഷ നാളെയുടെ വരദാനമാണ് .
എല്ലാവർക്കും  ശുഭ രാത്രി ......ശേഷം സുപ്രഭാതം  

 വിടരാതിരിക്കുവതെങ്ങനെ ഞാൻ..............
 നാളെ കൊഴിയുവാനാണെങ്കിൽ പോലും.........
 നിമിഷമേയുള്ളൂ ഈ ജീവിതമെങ്കിലും..........
 അഴകൊടു ജീവിച്ചു തീർത്തിടേണം .
 വിമുഖത കാട്ടും വിഷു പക്ഷിയോടും.........
 വിഷാദ ശ്രുതി മീട്ടും വിപഞ്ചികയും...........
 വില്ലെടുത്തമ്പേ തളർന്നിരിക്കും.........
 വിഷാദ വിലോചനൻ രാമനോടും.........
വിധിയെന്ന രണ്ടക്ഷരം കൊണ്ടു ഞാൻ
 വിലാപ കാവ്യം തീർത്ത നാളിനോടും........
 ഇന്നു പറയുവാനേറെയുണ്ടെങ്കിലും.......
 വിട പറയുവാനിനി നേരമില്ല. 
വിടരാതിരിക്കുവതെങ്ങനെ ഞാൻ........ വിധി
നാളെ കൊഴിയുവാനാണെങ്കിലും 
അലതല്ലിയൊഴുകുമീ  കാട്ടരുവി 
എന്നെ അകലേക്ക്‌ കൊണ്ടു പോമെങ്കിലും.........
ഞാൻ നട്ട നന്മതൻ വിത്തുകളീ മണ്ണിൽ
നാളെ കിളിർത്തു തളിർത്തു പൂക്കും
അതിൽ ഞാനെന്റെ കയ്യൊപ്പു ചാർത്തും.

11.06.2015   

സിഗരറ്റിൻ പുക അസഹ്യമായപോൾ................
 സഹികെട്ടവൾ പറഞ്ഞു പോയി.............
 വലി നിർത്തി കുടിച്ചാലും കുഴപ്പമില്ല.............
 ദോഷഫലം നിങ്ങൾക്ക് മാത്രം!!!!!!!!
 കുടിച്ചിട്ടും..........
 പുകയില ചേർത്ത് മുറുക്കി ശീലിച്ചും............
 വലിയുപേക്ഷിക്കാനായില്ല!!!!!!!!!!!
വലിയും............
കുടിയും..........
 മുറുക്കും...............
 അവളെ ഉപേക്ഷിക്കേണ്ടി വന്നു!!!!!!!!!!

പഴുത്തില വീണപ്പോൾ പാവം ചിരിച്ചില്ല......
 പാടേ തകർന്നു തളർന്നിരുന്നു. 
താഴേ  വീണുടഞ്ഞമരുന്ന നൊമ്പരം
ഇടനെഞ്ചിലേറ്റിത്തളർന്നിരുന്നു........ 

മുമ്പായിരുന്നെങ്കിലാർത്തു ചിരിച്ചേനെ
കണ്ണിലഹങ്കാര നോട്ടമേറ്റി......
എന്തിനോടും പോന്ന തന്റെടമോടെ.....
ആരെയും കൂസാതെ നിന്നിരിക്കും.

കളിവണ്ടും കിളികളും ശലഭങ്ങളും
കളിചിരി തൂകി കടന്നു പോയി........
മണിമുകിലും മന്ദമാരുതനും..........
മണിത്താലികെട്ടി ച്ചെറുനൃത്തമാടി 
മഴയിൽ കുട ചൂടി ചേർന്നു നിന്നു.........
വെയിലത്തു തണലേകി വാടി നിന്നു....... 
മഞ്ഞും വസന്തവും പൂവിട്ട നാളിൽ
മധുവിധു ചിറകിലേറിത്തുടിച്ചു.

കാലം പോയതറിഞ്ഞില്ലാ ........ദിനം 
കാലനായ് വന്നു കവർന്നെടുത്തു  
ഞാനെന്ന ഭാവം മൂക്കു കുത്തിത്താഴെ 
പ്രാണന്റെ പ്രാണൻ പറിഞ്ഞടർന്നു 
ചുറ്റിലുമുള്ളവർ കൈ കൊട്ടിയാർത്തു......
നിന്നഹന്തയ്ക്കുള്ള ശിക്ഷ തന്നെ......മുന്നിൽ 
നീ നിന്നാർത്തു  ചിരിച്ചു .

കണ്ണീരു ചാലിട്ട കവിൾത്തടത്തിൽ 
കാലം കൈയൊപ്പു ചാർത്തിടുമ്പോൾ 
ഇന്നുനീ വീഴുമ്പോൾ ഞാൻ ചിരിക്കില്ല 
പാടെ തകർന്നു തളർന്നിരിക്കാം ......
നിന്റെ നൊമ്പരം ഇടനെഞ്ചിലേറ്റു  വാങ്ങി . 

ഓങ്കോളൊജി വാർഡിലെ...........
 റേഡീയേഷൻ റൂമിന് മുന്നിൽ.........
 ഊഴവും കാത്തിരിക്കുന്ന.. ..അമ്മക്കരികിൽ..........
വേറൊരു ലോകമായിരുന്നു അത് .
മരണത്തിന്റെ തണുപ്പ്................ 
ചുറ്റിലും വിലയം പ്രാപിച്ചിരുന്നു. 
രക്ഷപ്പെടാനെന്ന വണ്ണം............
യന്ത്ര ചൂടിലേക്ക് 
ഓടിയൊളിക്കാൻ ശ്രെമിച്ചപോൾ..............
 അമർത്തിപ്പിടിച്ച കൈ വിരലുകൾക്ക് മീതെ..........
 ഒന്നുകൂടെയമർത്തി.......
 വിട്ടുകൊടിക്കില്ലെന്ന്................
 ഒരായിരമാവർത്തിച്ചു.
വെളുത്ത നഖം കറുത്തതും........
 കറുത്ത മുടി വെളുത്തു പോയതും .........
കാഴ്ചയിൽ പെടാതെ.........
 കൊണ്ട് നടന്നു. 
ഒലിച്ചിറങ്ങുന്ന കണ്ണുനീർ
നാളെയും ആ തണുപ്പിന്റെ.........
 സാന്നിധ്യമോർമ്മിപ്പിച്ചു .
രാവിരുട്ടുവോളം നാമം ചൊല്ലികൊടുത്തും
 ഉഡുപ്പി റെയിൽ സ്റ്റേഷനിൽ 
അച്ഛനു പിണഞ്ഞ അമളി 
പറഞ്ഞുറക്കെചിരിച്ചുള്ളിൽ കരഞ്ഞും .......
മടുപ്പിക്കുന്ന മനം പിരട്ടലിൽ
മനസൊന്നു പതറിപോയപോൾ.........
വച്ചുനീട്ടിയ ഇളനീരിനൊപ്പം 
തീർത്താലോ നമുക്കൊപ്പമെന്നു ചോദിച്ചതും
മറുപടിയിങ്ങനെ........
നിന്നെ ഞാനൊപ്പം കൂട്ടിയാൽ 
ഇതിൽ മോശമാണവിടമെങ്കിൽ.......
ഒളിചോടുന്നതിൽ എന്തർത്ഥമാണുള്ളത് .
ഒടുവിൽ ...
ഇരുളിന്റെ വാതിലിൽ.......
വേദന പൂട്ടിട്ട് ...........
ഇവിടുത്തെക്കാൾ സുഖമോ?
അവിടെയെന്ന് പലവുരു ചോദിച്ചിട്ടും
കണ്ണഞ്ചി കാണിച്ച് പുഞ്ചിരി തുകി 
അവിടെയിരുന്നാശിർവദിക്കുന്നത് 
കാണാമെനിക്ക്.
എന്റെ ചോദ്യം 
അനാവശ്യമാണെന്നോർമ്മപ്പെടുത്തിക്കൊണ്ട്.