താളവും ലയവും നിലച്ചുപോയോ....... 
മനസിലെ ശാരിക മയങ്ങിപോയോ?
മധുവുണ്ണാൻ വന്നു മടിച്ചു നിൽക്കും 
ശലഭവും മിഴി ചിമ്മാതിരുന്നുപോയോ?
ഒരു ദിനം കാലടി കേൾക്കുമെന്ന് 
മനസ് മന്ത്രിച്ചതും വെറുതെയെന്നോ?
വരികയില്ലെങ്കിലെൻ കാതിലെന്തേ 
വരുമെന്നു ചൊല്ലി വിടപറഞ്ഞു?
ഒരു മാത്ര കാണാതിരുന്നു പോയാൽ 
മറക്കുമോ നമ്മുടെ സ്നേഹബന്ധം...
ഒരുമാത്ര മിണ്ടാതിരുന്നുപോയാൽ
തീരുമോ നമ്മുടെ ആത്മ ബന്ധം ?
എങ്ങിനെ നീയെന്നെ ഓർത്തുവെക്കാൻ 
ഇല്ലല്ലോ മറ്റൊരു മന്ത്രമോതിരം......... 
എന്നോർമ്മ നിന്നിൽ ഇല്ലയെങ്കിൽ 
പിന്നെന്തിനു നൽകണം ഞാൻ മന്ത്രമോതിരം?
എങ്കിലും കാലടി കേൾപ്പതിന്നായ് 
കാതോർത്തിരിക്കുന്നു ഞാനിവിടെ 
വന്നില്ലയെങ്കിലും പതിതയല്ലാ....
പ്രതീക്ഷയാണല്ലോ ജീവചക്രം