ആരായിരുന്നൂ നീയെനിക്ക്
അന്തരംഗത്തോടു ചോദിച്ചു ഞാൻ
ആരൊക്കെയല്ലാ നീയെനിക്ക് 
എന്നൊരുത്തരം എന്നിൽ വിറങ്ങലിച്ചു. 
നീയെൻ വീണയിൽ രാഗമാണ് 
ഈ  മലർവാടിയിൽ റാണിയാണ് 
ഇച്ഛയും ശക്തിയും ചിന്തപോലും 
നീയെന്നാത്മാവിൻ സ്പന്ദനവും.

നീയെൻ കവിതയിൽ ഭാവമാണ് 
നാളേക്കുള്ള പ്രതീക്ഷയാണ് 
മജ്ജയും മാംസവും മാനസവും 
ജീവൻ തുടിപ്പതിൻ ഹേതുവാണ്. 

നീയെൻ രാഗം....നീയെന്റെ ഭാവം 
നീയെന്റെ മോഹസാഫല്യമാണ് 
എന്റെ ജീവചൈതന്യമാണ്.